REKTOR TABRIGI


 

TАЛАБАЛИК МУБОРАК!
Худайназар Юнусов
Биология фанлари доктори, профессор,
Ўзбекистон Республикасида ҳизмат кўрсатган чорвадор,
СамВМИ ректори:

Талаба дейилганда авваломбор, ўқимишли инсон назарда тутилади.
Ўз олдига мақсад қўйган, бирор касб ё ҳунарнинг сирини ўрганаётган, илм эгаллаётган ва доимий изланишда бўлган шахс. Асл маъноси эса - илмга талабгордир.
Талабалар ҳамма даврда ва барча жамиятларда ҳурматга лойиқ инсонлар сифатида, жамиятнинг келажагини белгиловчи шахс сифатида эътироф этилган.
Талабалик инсон умрининг энг завқли, ҳаяжонли ва шу билан биргаликда бироз ташвишли даври ҳамдир. Инсон шаклланаётган давр. Биз катталар бу даврни ўзгача соғинч билан эслаймиз, Ностальгия...Янги хаётнинг бошланиши, мустақил қадамлар, севги - муҳаббат ва ҳоказо.
Халқаро Талабалар куни тарихи эса фожеали, Иккинчи Жаҳон Уруши хотиралари билан боғлиқ.
Шиддат билан ўзгариб бораётган глобаллашув даврида экстремизм, терроризм, “оммавий маданият” каби турли иллатлар инсоният тақдирига жиддий хавф солаётган бир даврда халқимиз, айниқса, ёшларни турли ёт иллатлардан ҳимоялаш, навқирон авлодни Ватанга муҳаббат, миллий ва умуминсоний қадриятларга ҳурмат руҳида тарбиялаш эса бугун ҳам ҳар қачонгидек долзарб аҳамият касб этмоқда.
Тинчлик – тараққиёт ва фаровонликнинг асосий омили. Ўзбекистон мустақил тараққиёт йўлида қандай улкан марраларга эришган бўлса, барчасининг негизи юртимиздаги тинч ва осуда ҳаёт, миллатлар ва фуқаролараро тотувлик, ўзаро меҳр-оқибат ва ҳамжиҳатликни асраб-авайлаб келаётганимиздадир.
Зеро, юртимизда мана шундай тинчлик, бирлик ва ҳамжиҳатлик ҳукм сурар экан, фарзандларимиз соғлом ва ҳар томонлама баркамол бўлиб вояга етар экан - мустақил Ўзбекистонимиз қудрати бунданда юксакларга кўтарилади.
Мен, сиз - азизларимни, барча ёшларни Халқаро Талабалар куни билан муборакбод этаман!
Илм йўлларингизни ҳамиша ёритиб турсин!
Зеро, бир нарсани унутманг - СИЗ Ўзбекистоннинг эртанги куни, ёруғ келажагисиз!

СамВМИ Ахборот хизмати

ЎҚИТУВЧИ ВА МУРАББИЙЛАР КУНИ" МУБОРАК БЎЛСИН

Ассалому алайкум, ҳурматли устозлар!
Бу касб эгаларини том маънодаги жамият пойдеворининг бунёдкорларидир, дейиш мумкин. Чунки улар тарбиялаган кишилар бир кун келиб, жамиятни бошқаради. Омад келса, киши яхши устознинг қўлига тушиб, чарҳлагпди, у сизнинг яширин истеъдодингизни юзага чиқаради. Ҳаётингиз давомида битта эмас, бир неча устозлардан таълим-тарбия оласиз. Аввал боғча, кейин мактаб, сўнг олий таълим муассасаси, кейин эса ҳаёт йўлларида ҳам кўп мураббийларнинг сабоғини олишга тўғри келади. Ҳаёт қонуни бу. 
Олий таълим даргоҳи ҳам худди мактабдек муқаддас маскан. Самарқанд Ветеринария медицинаси институтида бугун 428 нафар профессор ўқитувчилар фаолият кўрсатади. Шундан 31 нафари фан докторлари, 94 нафари фан номзодлари ва 12 нафарини фалсафа доктори илмий даражали профессор-ўқитувчилар ташкил этади. Бу рақамларни келтиришдан мақсад шуки, олий таълим муассасаси мамлакатимиз қишлоқ хўжалиги ва ветеринария соҳаси учун мутахассис кадрлар тайёрлаб, ўзининг куп йиллик тарихи, анъаналари билан устоз – мураббийлик қадриятларини ўзида сақлаб келмоқда. Бугун Институтимизда таълим сифатини оширишга алоҳида эҳтибор қаратилмоқда. Ўқув жараёнига хорижий мутахассисларни жалб қилиш, жаҳондаги илғор олий таълим муассасалари билан ҳамкорликда қўшма таълим дастурларини амалга ошириш, ҳамкорликда илмий - педагогик кадрларни тайёрлаш тизими изчиллик билан олиб бориляпти ва бу ҳамкорликлар ўзининг ижобий самарасини беради, албатта!
Бу йил байрам ҳар йилгидан ўзгачароқ тарзда нишонланяпти. Ҳар йили бу кун талаба ёшлар ва институт меҳмонлари билан ўзгача кўтаринки кайфиятда ўтади. Негаки, бу кун мамлакатимиздаги энг қадрли саналардан бири - Устоз ва мураббийлар куни.
Барчангизга байрам муборак бўлсин!
Азиз устозлар, профессор ўқитувчилар!
Оилангизга қут-барака, фаолиятингизга ривож ва касбий баркамоллик тилайман!

Худайназар Юнусов
Биология фанлари доктори, профессор
СамВМИ ректори

Ассалому алайкум!
Ҳурматли талаба ёшлар, профессор ўқитувчилар, ишчи ходимлар!
Барчангизни муборак айъёмларимиздан бири бўлган муқаддас Қурбон ҳайити билан табриклайман!
Хонадонларимизда ҳамиша тинчлик-ҳотиржамлик, қут-барака бўлсин!
Яратган амалга ошираётган савоб ишларимизни бардавом қилсин, яхшиликлар, янгиликлар яратишдан бенасиб қилмасин!
Азиз ёшлар!
Сиз- эртанги кун эгаларисиз!
Саломатлигингизни асраш ўз қўлингизда!
Ўзингизни ва яқинларингизни асранг!
Вакцина қабул қилинг ва карантин қоидаларига риоя этинг!
Ҳайит айъёмингиз муборак бўлсин!
Қилган дуоларимиз Оллоҳ даргоҳида қабул бўлсин!
Байрам яхшиликлар олиб келсин!

Худайназар Юнусов
Биология фанлари доктори, профессор
СамВМИ ректори

Assalomu aleykum! 
Sizlarni, hurmatli jurnalistlarni, ommaviy axborot, matbuot, nashriyot va matbaa, radio va televideniya sohasi fidoyilarini 27 iyun – Matbuot va ommaviy axborot vositalari xodimlari kuni bilan chin qalbimdan tabriklaman! 
Barchamizga yaxshi ayonki, matbuot, ommaviy axborot vositalari ishi hamma davrlarda ham mashaqqatli va mas’uliyatli bo’lgan. Mamlakatimiz yangi taraqqiyot bosqichiga ko’tarilayotgan, shaffoflik, ochiqlik, oshkoralik, so’z va fikr erkinligi hayotimiz mezoniga aylanib borayotgan hozirgi davrda bu mas’uliyat yanada ortmoqda. Sizlar xalqimizning manfaati, turmush farovonligini ko’zlab amalga oshirilayotgan islohotlar jarayonini yoritishda muhtaram yurtboshimiz Shavkat Miromonovich Mirziyoyevning "Biz jamiyatimizda oshkoralik, adolat va qonun ustuvorligini ta’minlashda, huquqiy demokratik davlat asoslarini mustahkamlashda sizlarga, sizlarning bilim va iste’dodingizga tayanamiz" deya bildirgan yuksak ishonchlariga hamohang faoliyat yuritmoqdasiz. Muhtaram prezidentimizning rahbarligida mamlakatimiz ommaviy axborot vositalari xodimlarining ish va turmush sharoitlarini yaxshilash, ularning mashaqqatli va mas’uliyatli mehnatini munosib baholash va rag‘batlantirish, soha rivojiga e’tibor va g‘amxo‘rlik ko‘rsatish ustuvor vazifa bo‘lib kelmoqda.
 Xurmatli soha fidoyilari!
 Sizlar bugun mamlakatimizda amalga oshirilayotgan islohotlarni keng jamoatchilikka yoritish va hududlarda aholining ijtimoiy-iqtisodiy muammolarini hal etishga o'z hissangizni qo’shib kelmoqdasizlar. Sizlarning faoliyatingiz O’zbekistonning yangi demokratik qiyofasini shakllantirishda muhim rol o‘ynamoqda.
 Sizlarni Matbuot va ommaviy axborot vositalari xodimlari kuni bilan yana bir bor samimiy tabriklayman. Barchangizga sihat-salomatlik, mashaqqatli faoliyatingizda yutuq va omadlar, oilaviy baxt, mustahkam sog’lik, xonadonlaringizga tinchlik-xotirjamlik, fayzu baraka tilayman.
 
 Yunusov Xudaynazar Beknazarovich 
Samarqand veterinariya meditsinasi instituti rektori

 

INSON VA UNING XOTIRASI AZIZDIR!
Biz  o’zimizni chin ma’noda omadli va baxtli avlod deb hisoblashimiz mumkin Tinch-osoyishta zamonda, hur va obod diyorda yashayapmiz. Bunda ulug’ ajdodlarimiz – otalarimizning hissasi beqiyos. Prezidentimiz doimo ta’kidlaganidek, ularga g’amxo’rlik qilish, umrlarini uzaytirish uchun barcha sharoitlarni yaratish hammamizning farzandlik burchimizdir. Bugun istiqlol sharofati bilan o’sha mudhish  urush yillari azobini  tortgan va tirik qolishga muvaffaq bo’lgan  omadli kishilar  (afsuski, ularning safi yildan yilga kamayib bormoqda) haqli ravishda baxtli hayot gashtini surishga muyassar bo’lmoqdalar va ularga xalqimiz, xukumatimiz, qolaversa, shaxsan prezidentimiz tomonidan yuksak hurmat va ehtirom ko’rsatilmoqda. 
Ma’lumotlarga ko’ra, Ikkinchi jahon urushi  arafasida O’zbekistonda 6,5 millionga yaqin aholi yashagan, shundan 1,5 million nafar yurtdoshlarimiz  jang maydonlariga safarbar etilgan. Ulardan 500 ming nafardan ziyodrog’i urush o’choqlarida  halok bo’lgani va  yana qancha-qanchasi mayib-majruh bo’lib qaytgani, qanchasi bedarak yo’qolgani hisobga olinadigan bo’lsa, bu g’alaba xalqimiz uchun naqadar qimmatga tushgani yaqqol namoyon bo’ladi. 
Aynan o’zbek xalqi urush yillarida chinakam matonat va jasorat ko’rsatgani tarix kitoblari va xalq orasida yurgan rivoyatlardan ma’lum. Yurtimizga  bir million nafarga yaqin kishilar  evakuasiya qilingani,ularning 200 mingdan ziyodi bolalar bo’lgani haqida juda ko’p martalab eslanadi, e’tirof etiladi. Oddiy o’zbek  xonadonlari bu bolalarni o’z bag’riga olgani, toshkentlik Shomahmudovlar oilasi,  kattaqo’rg’onlik Samadovlar oilasi, buxorolik Jo’rayev va Ashurxo’jayevlar oilasi haqida hatto kinofilmlar ham yaratilgan.Urush bilan bog’liq bu kabi  qahramonliklarni yana ko’plab keltirish mumkin. 
Poytaxtimizda, shuningdek viloyat markazlarida jang maydonlarida halok bo’lganlarning ro’yxatini o’z ichiga olgan ko’p jildlik “Xotira” kitobi chop etildi. Xotira maydonida ajoyib majmua qurilib, halok bo’lgan har bir qahramonning nomi zarhal  harflar bilan bitildi. 
Mustaqillik yillarida Ikkinchi jahon urushi va front orti faxriylarini e’zozlash, ularni moddiy va ma’naviy qo’llab-quvvatlash borasida e’tiborga molik ishlar qilindi va bu har yili muntazam amalga oshirilmoqda.
Bugun hayotimizda  “Inson xotirasi ulug’,  tiriklarni qadrlash lozim” degan insoniy an’ana, qadriyat shakllanib ulgurdi. Ularning qahramonligi qalblarimizga faxr tuyg’usini bag’ishlaydi. O’tganlarning xotirasiga bosh egib ta’zim qilamiz, hayot bo’lganlarini  esa e’zozlaymiz. 
Bugun hayotimizda  “Inson xotirasi ulug’,  tiriklarni qadrlash lozim” degan insoniy an’ana, qadriyat shakllanib ulgurdi. Demak o’tganlarni xotirlash va  yonimizdagilarni -hayot bo’lganlarni qadrlash kerak.
Ta’lim muassasamizda tashkil etilgan “Xotira va qadrlash” kuniga bag’ishlangan tadbirda bir ishtirokchi juda haq gapni aytdi. “Biz urush haqida deyarli eslamay qo’ydik yoki juda kam hollarda eslaymiz. Bugungi yosh avlod bu mavzuni, ikkinchi jahon urushi va u haqidagi xotiralarni yaxshi bilmaydi. Internetdan olingan, ba’zida asosli, ba’zida asossiz ma’lumotlar ularning ongini egallab olgan. Urushning tirik guvohlari xotiralaridan bahramand bo’lishmagan...”
Bu juda haq gap edi. Bugun yoshlarga urush dahshatlari haqida hikoya qilib beruvchilar sanoqligina qolishgan. Samarqand viloyatida ular bor yo’g’i 26 nafar kishini tashkil qilarkan. 
Nima bo’lganda ham Inson o’tgan kunlarini unutmasligi lozim deb hisoblaymiz.
O’ylaymanki, Birinchi va Ikkinchi jahon urushlari keltirgan dahshatli oqibatlar, umuman urush fojiasi haqidagi mulohazalarimiz hozirgi yosh avlodlar uchun foydadan xoli bo’lmaydi. Zero, ular bilan tanishgan har bir shaxs bugun ozod yurtimizda hukm surayotgan tinchlik va barqarorlikning qadriga yetadi va uni asrab avaylaydi.
Men barcha yurtdoshlarimizni ushbu ulug’ ay’yom, umumxalq bayrami – Hotira va qadrlash kuni bilan muborakbod etaman. 
O’tganlarning oxirati obod bo’lsin!
 
Hurmat bilan,
Hudaynazar Yunusov 
Biologiya fanlari doktori, professor
SamVMI rektori     

 2018 yilning 8 may sanasida  Oʻzbekiston Respublikasi Prezidentining qarori asosida  Samarqand qishloq xoʻjalik instituti negizida  Samarqand Veterinariya meditsinasi instituti tashkil etildi. Ayni kunda Markaziy Osiyoda yagona boʻlgan mazkur oliy taʼlim muassasasi aynan veterinariya va chorvachilik sohasi uchun butun respublikamizga  malakali va raqobatbardosh kadrlar tayyorlash bilan shugʻullanmoqda. 
Soha vakillari hayvonlar sogʻligini muhofazalash orqali aholi salomatligini himoya qiladi, shuningdek, odamlar va hayvonlar uchun umumiy boʻlgan turli kasalliklar profilaktikasi borasida ilmiy – tvdqiqot ishlarini amalga oshiradilar.  
Bir soʻz bilan aytganda,  davlatimiz rahbari va xukumatimiz tomonidan  bu soha egalari zimmasiga   masʼuliyatli vazifalar yuklatilgan  va bu katta ishonchdir. Bu ishonchni oqlash zarur!
Oliy taʼlim muassasasi rahbari sifatida aynan bizning olimlarimiz, ilmiy tadqiqotchilarimiz,  qolaversa  talabalarimiz zimmasida ham soha hodimlari qatorida, ulkan burch  borligi  oʻz ishimizga yanada sobitqadamlik bilan munosabatda boʻlishimizni taqozo etadi.
Barchangizni Halqaro Veterinariya kuni bilan  Samarqand Veterinariya meditsinasi instituti jamoasi va oʻz nomimdan muborakbod etaman.
Sharafli ishingizda omad yor boʻlsin!
Hurmat bilan,Xudaynazar Yunusov
Biologiya fanlari doktori, professor SamVMI rektori

Assalomu alaykum!
Borliqda bahor nafasi kezayotgan bir paytda, yurtimizning barcha go’shalarida Yangilanish va yasharish ay’yomi - Navro’zi olam ko’tarinki kayfiyat va katta shodiyonalar bilan nishonlanmoqda, sharqona YaNGI YIL yaxshi orzu - umidlar bilan kutib olinmoqda. Darhaqiqat, xalqimiz bu qutlug’ ay’yomni chin ma’noda sog’ingan edi, desak xato bo’lmaydi. Vaziyat taqozosiga ko’ra, o’tgan yilda halqimiz bu kunni ko’ngildagidek bayram qilolmagan edi. Navro’zni sog’ingan ko’ngillar bu yil haqli ravishda bayram qilmoqda, bugungi yorug’ kunlarga shukrona aytmoqda.
Navro’z sayli joylarda Karantin qoidalariga muvofiq, ijtimoiy masofa saqlangan holda ko’tarinki kayfiyat va shod - hurramlik bilan o’tkazilyapti.
Butun O’zbekiston xalqini, barcha kasbdagi mamlakatimizning fidoyi va zahmatkash fuqarolarini, professor o’qituvchilarni va talaba yoshlarni qutlug’ ay’yom bilan Samarqand Veterinariya medisinasi instituti jamoasi nomidan muborakbod etaman!
Navro’z yurtimizga xayru baraka, rizq ro’z va tinchlik - hotirjamlik olib kelsin!
Yurtimiz hamisha tinch, osmonimiz musaffo, xalqimiz shodu hurram bo’lsin!

Samarqand Veterinariya medisinasi instituti rektori X.Yunusovning xotin-qizlarga bayram tabrigi

Har birimizning hayotimizda ayollarning o’z o’rni bor. Onajonimiz, opa – singillarimiz, rafiqamiz, hamkasb ayollar. Ular hamisha hurmat – ehtiromga, bizning e’tiborimizga eng munosib, eng loyiq insonlardir.  Faqat bayramlarda emas, kundalik turmushimizda ham ularni e’zozlashimiz zarur.Ayni kunda Samarqand Veterinariya medisinasi institutida faoliyat ko’rsatuvchi professor - o’qituvchilar va ishchi – xodimlarning deyarli 40 foizini ( 39.2) ayollar, xotin qizlar tashkil etadi. Ular orasida mamlakatimizda taniqli bo’lgan olimalar, veterinariya sohasi mutaxassislari va qishloq xo’jaligi fidoyilari, yuksak davlat mukofotlari sohiblari borligini e’tirof etish lozim.   Inson sifatida, hamkasb sifatida juda iqtidorli, yuksak intellektual salohiyatga ega ayollar bilan ishlashga to’g’ri kelgan, iste’dodli, tirishqoq talaba – qizlarim, shogirdlarim bo’lgan va hozir ham shunday. Men erkak kishi yoki rahbar sifatida ularning nozik didi va farosatiga, tanlagan sohasi va yo’nalishini chuqur anglashlari va fidoyilik bilan ishlashlariga hamisha tan berganman. Ilm yo’li juda nozik va unda turli qiyinchiliklar, mashaqqatlar bo’lishi turgan gap. Nozik jins vakillari deya e’tirof etiladigan ana shu munis ayollarimiz bu yo’lda o’zlarining yuksak insoniy fazilatlari, chuqur bilimi va imon-e’tiqodi bilan hamisha hammamizga o’rnak bo’lib kelishgan. Ha, ayollarimiz ana shunday bebaho! Ular uyimizning chirog’i, bizni hamisha yuksak ishlarga ruhlantiruvchi ilhom farishtasi! Ularning borligi, yonimizdaligi bizga har doim kuch beradi. Aziz ayollar! Olima hamkasblarim, opa – singillarim va Talaba qizlarim! Barchangizni bayram bilan muborakbod etaman!
Oilaviy baxt, ishlaringizda rivoj tilayman!
Har doim sog’-salomat bo’ling!

 

Sizga katta hurmat va ehtirom bilan                              
Hudaynazar Yunusov
Biologiya fanlari doktori, professor
SamVMI rektori